Azərbaycanlı gimnast bürünc medal qazandıbackend

Bakıda keçirilən aerobika gimnastikası üzrə dünya yarış qrupları yarışında Azərbaycan milli komandası ilk medalını qazanıb.

Sportfan.az xəbər verir ki, 12 – 14 yaşlıların mübarizəsində Məryəm Topçubaşova bürünc medala sahib olub. O, hakimlərdən 19,000 bal alıb. İlk 2 yeri isə Rusiya təmsilçiləri Yelizaveta Rudneva (19,800 bal) və Leysan Kuperşmit (19,700 bal) tutub.

Qeyd edək ki, bu gün 12 – 14 yaşlıların mübarizəsində Azərbaycan daha 2 finalda təmsil olunacaq. Sara Əlixanlı, Sənəm Kazımova və Aliyə İsmayılova, “3-lük”lərin, Fidan İbrahimova, Evelina Kozlovskaya, Leyla Əhmədova, Məryəm Topçubaşova və Aylin Əliyeva qrupların yarışlarına qatılacaq.