“Beşiktaş” FİFA-ya şikayət edir- Viktor Ruizə görəbackend

“Beşiktaş”ın müdafiəçisi Viktor Ruiz komandanı tərk edib.

Sportfan.az xəbər verir ki, ispaniyalı futbolçu müqaviləsini tək tərəfli ləğv edib.

31 yaşlı oyunçu mart, aprel və mayın maaşını ala bilmədiyini əsas gətirərək, bu addıma əl atıb. Ancaq “Beşiktaş” rəhbərliyi bununla bağlı FİFA-ya şikayət etmək qərarına gəlib. Mövsümün əvvəlində “Vilyarreal”dan 2,5 milyon avroya transfer edilən müdafiəçi 23 oyunda iştirak edib.

Qeyd edək ki, bir müddət əvvəl almaniyalı qapıçı Loris Karius eyni səbəbdən müqaviləsinə xitam verib.