Çempionuq üçün hər şeyi edirik- Kike Setyenbackend

“Barselona”nın baş məşqçisi Enrike Setyen komandasının La Liqada çempionluq mübarizəsini davam etdirdiyini açıqlayıb.

Sportfan.az-ın xəbərinə görə, bu haqda o, dünən 36-cı turda “Valyadolid”lə matçdan (1:0) sonra keçirilən mətbuat konfransında bildirib.

O deyib ki, qalib gəlsələr də, komandası yorğun olub: “Əlbəttə, Messiyə istirahət lazımdır. “Barselona” çempion olmaq üçün hər şeyi edir. Amma bu, yetərli deyil. Çünki “Real” bütün oyunları udur”.

Xatırladaq ki, La Liqada bu mövsümün bitməsinə 2 tur qalmış “Real” 35 oyunda 80 xalla 1-ci, “Barselona” 36 görüşdən 79 xalla 2-ci yeri tutur.