“İnter”dən xal itkisi, “Roma” qələbə qazandıbackend

İtaliya A seriyasında XXXV tur davam edir.

Sportfan.az xəbər verir ki, bu gün daha 6 oyun baş tutub.

“Napoli” ortabab “Parma” önündə aciz qalıbsa, “Roma” səfərdə çempionatın sonuncusu “Spal”ı darmadağın edib.

“Fiorentina”nı qəbul edən “İnter” qolsuz bərabərliklə kifayətlənib və turnir cədvəlində bir gün öncə əldən verdiyi ikinci pilləni qaytara bilməyib.

“Leççe”yə məğlub olan “Breşiya” isə “Spal”dan sonra elitanı tərk edəcək ikinci komanda olub.

Tura iyulun 23-də keçiriləcək “Udineze” – “Yuventus” (21:30) və “Latsio” – “Kalyari” (23:45) oyunları ilə yekun vurulacaq.

İtaliya A seriyası
XXXV tur
22 iyul
“Parma” – “Napoli” – 2:1

Kaprari, 45+3 (pen.); Kulişevski, 87 – İnsinye, 54 (pen.)
“İnter” – “Fiorentina” – 0:0
“Leççe” – “Breşiya” – 3:1

Lapadula, 22, 32; Saponara, 70 – Dessena, 63
“Sampdoriya” – “Cenoa” – 1:2
Qabbiadini, 32 – Krişito, 22 (pen.); Leraqer, 72
“Spal” – “Roma” – 1:6
Serri, 24 – Kaliniç, 10; Peres, 38, 52, 75; Kolarov, 47; Zaniolo, 90+1
“Torino” – “Verona” – 1:1
Zaza, 67 – Borini, 56 (pen.)