“Mançester Yunayted” məğlubiyyətlə başladıbackend

İngiltərə Premyer Liqasında II tur başlayıb.

Sportfan.az-ın xəbərinə görə, ilk gündə 4 görüş keçirilib.

Dominik Kalvert-Lyuinin het-trikə imza atdığı açılış matçında “Everton” “Vest Bromviç”i böyük hesabla üstələyib.

“Lids” – “Fulhem” qarşılaşmasında da 7 qol qeydə alınıb. Bu dəfə ev sahibləri minimal hesabla qalib gəlib.

Mövsümdə ilk oyununa çıxan “Mançester Yunayted” gözlənilmədən öz meydanında “Kristal Pelas”a boyun əyib.

“Arsenal” isə London derbisində “Vest Hem”i çətinliklə məğlub edərək, itkisiz irəliləyir.

Turun digər oyunları 20-21 sentyabrda keçiriləcək.

İngiltərə Premyer Liqası
II tur
19 sentyabr
“Everton” – “Vest Bromviç” – 5:2

Dominik Kalvert-Lyuin, 31, 62, 66, Hames Rodriges, 45, Maykl Kin, 54 – Dianyana, 10, Pereyra, 47
“Lids” – “Fulhem” – 4:3
Elder Kosta, 5, 57, Kliç, 41 (pen.), Bamford, 50 – Mitroviç, 34 (pen.), 67, Rid, 62
“Mançester Yunayted” – “Kristal Pelas” – 1:3
Van de Bek, 80 – Tounsend, 7, Zaha, 74 (pen.), 85
“Arsenal” – “Vest Hem” – 2:1
Lyakazett, 25, Nketia, 86 – Antonio, 45