Premyer Liqamız yeni mövsümlə bərpa olunur – Yenilənirbackend

Bu gün Azərbaycan Premyer Liqasında  2020/21 mövsümünə start veriləcək.

Sportfan.az xəbər verir ki, bununla da çempionatdakı 165 günlük fasilə bitəcək. Ölkəmizdə koronaviurs pandemiyasına görə mart ayından çempionat oyunları keçirilmirdi.

İlk oyun günündə 2 matç keçiriləcək. Çempionatda ilk turun açılış görüşü Sumqayıtda olacaq. Ölkəmizi Avropa Liqasında təmsil edəcək “Sumqayıt”la “Keşlə” qarşılaşacaq. Matç saat 18:30-da başlayacaq.

Günün ikinci görüşündə Avroliqadakı digər təmsilçimiz “Neftçi”  “Səbail”i qəbul edəcək. Bu oyuna isə saat 20:30-da start veriləcək.

İlk turun digər qarşılaşmaları 22-23 avqust tarixlərinə təyin edilib.

Qeyd edək ki, koronavirus pandemiyasına görə Premyer Liqanın oyunları azarkeşsiz keçiriləcək.

21 avqust

18:30. “Sumqayıt” – “Keşlə”
Hakimlər
: Elçin Məsiyev, Pərvin Talıbov, Müslim Əliyev, Nicat İsmayıllı
“Sumqayıt Arena”

20:30. “Neftçi” – “Səbail”
Hakimlər:
 Rauf Cabarov, Elşad Abdullayev, Namiq Hüseynov, Namiq Bəkirov
8-ci km stadionu

22 avqust (şənbə)

20:00. “Qarabağ” – “Sabah”
“Azersun Arena”

23 avqust (bazar)

19:00. “Qəbələ” – “Zirə”
Qəbələ şəhər stadionu