PSJ Neymarın satılmasına razılıq verdi- ama şərti varbackend

Deyəsən, Neymarın “Barselona”ya qayıtması mümkün olacaq.

Sportfan.az xəbər verir ki, PSJ rəhbərliyi braziliyalı futbolçunun satılmasına razılıq verib. Amma Paris nəhənginin şərti var.

Məlumata görə, parislilər Neymara görə Usman Dembeleni və əlavə olaraq 80 milyon avro tələb edir. Koronavirusun yaratdığı maliyyə çətinlikləri vaxtında “Barsa”nın bu tələbi qəbul edib-etməyəcəyi məlum deyil.

“Barsa” Dembeleni 2017-ci ildə məhz Neymarı əvəz etmək üçün almışdı. Amma futbolçunun oyunu istənilən effekti vermir. O, tez-tez zədələnir.