“Sumqayıt”ın səbəti , “Neftçi”yə 37 potensial rəqib bilindi  – Avropa Liqasıbackend

Ölkəmizi ilk dəfə Avropa Liqasında təmsil edəcək “Sumqayıt”ın 1-ci təsnifat mərhələsinin püşkatmasında hansı səbətdə yer alacağı müəyyənləşib.

Sportfan.az xəbər verir ki, “gənclik şəhəri” təmsilçisi səpələnməmişlər sırasında olacaq. Bu isə o deməkdir ki, Ayxan Abbasovun komandası püşkatma zamanı nisbətən güclü rəqiblə düşəcək.

Səpələnmişlər səbətində yer alacağı daha əvvəldən bilinən “Neftçi”nin isə potensial rəqiblərindən biri də müəyyənləşib. Rumıniya təmsilçisi “Botoşani” 1-ci təsnifat mərhələsində “Neftçi”yə rəqib ola bilər.

Ümumilikdə, 1-ci təsnifat mərhələsinin 79 iştirakçısı bəllidir. Onlardan 38-i səpələnmişlər, 40-ı səpələnməmişlərdə yer alacaqsa, birinin səbəti hələ dəqiqləşməyib. Səpələnmişlər sırasında qərarlaşan “Neftçi”nin 37 potensial rəqibi bəllidir. “Ağ-qaralar” “Sumqayıt” və iki Ermənistan klubu ilə qarşılaşmayacaq. “Sumqayıt”ın isə 36 mümkün rəqibi məlumdur. Komanda “Neftçi” və Ermənistan klubuna rəqib olmayacaq. Səbəti müəyyənləşməyən yeganə klub isə digər Avroliqa təmsilçimiz “Keşlə”dir.

Qeyd edək ki, Avropa Liqasında 1-ci təsnifat mərhələsinin püşkü avqustun 10-da atılacaq.

Səpələnmişlər

Neftçi” (Azərbaycan), APOEL (Kipr), “Partizan” (Serbiya), “Styaua” (Rumıniya), “Maribor” (Sloveniya), “Hapoel” (Beer-Şeva, İsrail), “Rusenborq” (Norveç), “Apollon” (Kipr), “Fehervar” (Macarıstan), “Şkendiya” (Şimali Makedoniya), TNS (Uels), “Dinamo” (Minsk, Belarus), “Lex” (Polşa), “Aberdin” (Şotlandiya), “Jrinski” (Bosniya və Herseqovina), “Alaşkert” (Ermənistan)*, “Kayrat” (Qazaxıstan), “Jalgiris” (Vilnüs, Litva), “Motervell” (Şotlandiya), “Kukesi” (Albaniya), “Vaduts” (Lixtenşteyn), “Valletta” (Malta), “Ventspils” (Latviya), “Olimpiya” (Sloveniya), “Topola” (Serbiya), “Nomme Kalyu” (Estoniya), “Şaxtyor” (Belarus), “Hammarbü” (İsveç), “Hafnarfyordur” (İslandiya), “Bodo-Qlimt” (Norveç), “Riterlay” (Litva), “Proqress” (Lüksemburq), ÇSKA (Sofiya, Bolqarıstan), “Sutyeska” (Monteneqro), “Honved” (Macarıstan), “Makkabi” (Hayfa, İsrail), ”Beytar” (İsrail), “Ordabası” (Qazaxıstan), “Şemrok Rovers” (İrlandiya)

Səpələnməmişlər

“Sumqayıt” (Azərbaycan), “Lokomotiv” (Plovdiv, Bolqarıstan), “Slaviya” (Bolqarıstan), “Botoşani” (Rumıniya), “Pyast” (Polşa), “Levadiya” (Estoniya), “Hibernians” (Malta), “Dunayska Streda” (Slovakiya), “Rujomberok” (Slovakiya), “Jilina” (Slovakiya), “Jelezniçar” (Bosniya və Herseqovina), “Laçi” (Albaniya), “Mura” (Sloveniya), “Puşkaş Akademi” (Macarıstan), “Saburtalo” (Gürcüstan), “Şkupi” (Şimali Makedoniya), “Petrokub” (Moldova), “Union” (Lüksemburq), “Differdanj” (Lüksemburq), “Jalgiris” (Kauno, Litva), “Riqa” (Latviya), “Valmieras” (Latviya), “Noa” (Ermənistan)*, “Şirak” (Ermənistan)*, “Renova” (Şimali Makedoniya), “Boraç” (Bosniya və Herseqovina), “Sfantul Qeorqe” (Moldova), “Dinamo-Avto” (Moldova), “Bohemians” (İrlandiya), “Derri Siti” (İrlandiya), “İnter” (Finlandiya), “İlves” (Finlandiya), “Honka” (Finlandiya), “Breydablik” (İslandiya), “Bala Taun” (Uels), “Dinamo” (Batumi, Gürcüstan), “Lokomotivi” (Gürcüstan), “Sirens” (Malta), “Vikinqur” (İslandiya), “Payde” (Estoniya)