Türkiyə yığmasının üzvünə  40 milyonluq təklif- “Barselona”danbackend

İspaniyanın “Barselona” klubu türkiyəli futbolçu transfer etməyə hazırlaşır.

Sportfan.az xəbər verir ki, La Liqa təmsilçisi İngiltərə “Lester”ində çıxış edən müdafiəçi Çağlar Söyüncünün keçidində maraqlıdır.

Kataloniya klubu 24 yaşlı futbolçu üçün 40 milyon avro ödəmək niyyətindədir. “Barselona” Türkiyə millisinin futbolçusu ilə bağlı “tülkülər”ə rəsmi təklif də göndərib. Klublar arasında razılıq əldə olunsa, Söyüncünün “Barselona” ilə 5 illik müqavilə imzalayacağı gözlənilir.

Qeyd edək ki,  müdafiəçi 2019/20 mövsümündə “Lester”də ümumilikdə 42 oyun keçirib və 1 qol vurub.